Urganch davlat universiteti "Fizika" kafedrasi dotsenti Matyakubov Nosir Innovatsion rivojlanish agentligi tomonidan e'lon qilingan tanlovda g'oliblikni qo'lga kiritib, hozirda Janubiy Koreyadagi Jeju Milliy Universitetining "Plasma Applications"  laboratoriyasida ilmiy stajirovka o'tamoqda.   

Stajirovka dasturiga binoan, tadqiqotchi ushbu laboratoriyada “Sovuq plazmaning vodorod generatsiyasiga qo'llanilishi”  bo‘yicha eksperimental tajribalar o'tkazishi maqsad qilib qo'yilgan. Stajirovka davomida Jeju Milliy Universiteti "BK21 Research Group" stipendiatlariga "Application of Nonthermal Plasma to Energy and Environmental Problems" mavzusida ma'ruza o'tildi. 

Ushbu ilmiy stajirovka Ilm-fanni moliyalashtirish va innovatsiyalarni qo'llab-quvvatlash jamg'armasi tomonidan moliyalashtirildi.