2024 yil 21 fevral kuni Ilm-fanni moliyalashtirish va innovatsiyalarni qo‘llab-quvvatlash jamg‘armasida  O‘zbekiston Respublikasining “Korrupsiyaga qarshi kurashish to‘g‘risida” 2017-yil 3-yanvardagi O‘RQ-419-son Qonuni, O‘zbekiston Respublikasi Prezidentining 2021-yil 6-iyuldagi “Korrupsiyaga qarshi kurashish faoliyatini samarali tashkil etishga doir qo‘shimcha chora-tadbirlar to‘g‘risida” PQ-5177-son qarori mazmun mohiyati to‘g‘risida “Korrupsion xolatlar va uning oldini olish” sohasida ogohligini oshirish tadbiri bo‘lib o‘tdi

Tadbirda Oliy ta’lim, fan va innovatsiyalar vazirligining korrupsiyaga qarshi kurashish bo‘limi boshlig‘i M.Parmanov va bosh mutaxassis B.Maxsudovlar so‘zga chiqib Oliy ta’lim tizimida “Korrupsiyasiz soha” loyihasi doirasida amalga oshirilgan ishlar to‘g‘risida taqdimoti bilan ishtirok etishdi.

Ular o‘z so‘zlarida Jamg‘arma faoliyatida korrupsion holatlar ro‘y berishi mumkin bo‘lgan xavflar va ulardan doimiy ogoh bo‘lish uchun nimalarga e’tibor qaratish va doimiy ijtimoiy-siyosiy sohalarda ogoh bo‘lish zarurligini aytib o‘tdi.

Bunda ijtimoiy tarmoqlarda yolg‘on va noxolis axborot tarqatish, vijdon erkinligini buzish, pora olish, pora berish, pora olish-berishda vositachilik qilish, davlat organining, davlat ishtirokidagi tashkilotning yoki fuqarolar o‘zini o‘zi boshqarish organining xizmatchisini pora evaziga og‘dirib olish, davlat organi, davlat ishtirokidagi tashkilot yoki fuqarolarning o‘zini o‘zi boshqarish organi xizmatchisining qonunga xilof ravishda moddiy qimmatliklar olishi yoki mulkiy manfaatdor bo‘lishi, O‘zbekiston Respublikasi konstitutsiyaviy tuzumiga qarshi jinoyatlarga, davlat sirini oshkor qilishda O‘zbekiston Respublikasi Jinoyat Kodeksining moddalariga asosan, javobgarlikka sabab bo‘lishi atroflicha tushuntirildi.

Taqdimot yakunida Jamg‘arma xodimlari tomonidan tegishli mavzu yuzasidan berilgan savollarga mutaxassislar tomonidan javob berildi.