Eron Islom Respublikasi Qishloq xo‘jaligi vazirligi delegatsiyasi hamda Oliy ta’lim, fan va innovatsiyalar vazirligi mas’ullari o‘rtasida uchrashuv bo‘lib o‘tdi.

Mazkur uchrashuv O‘zbekiston Respublikasi delegatsiyasining joriy yil 14-17 mart kunlari Eron Islom Respublikasiga amalga oshirgan tashrifi doirasida erishilgan kelishuvlarning bajarilishi bo‘yicha tasdiqlangan “YO‘L XARITA”sida belgilangan topshiriqlar ijrosi doirasida, shuningdek, ikki tomonlama hamkorlikni yo‘lga qo‘yish maqsadida amalga oshirildi.

Uchrashuv davomida O‘zbekiston va Eron mamlakatlarida qishloq xo‘jaligi yo‘nalishini ilm-fan va innovatsion texnologiyalar orqali rivojlantirish masalalari muhokama qilindi.

Shuningdek, tadbir davomida Eron Agrar tadqiqotlar, ta’lim va rivojlanish tashkiloti direktori Turaj Valiy Nasab hamda Ilm-fanni moliyalashtirish va innovatsiyalarni qo‘llab-quvvatlash jamg‘armasi ijro etuvchi direktori v.v.b. Jonibek Tavakalov o‘rtasida mamlakatimizdagi yosh olimlarni Eron Agrar tadqiqotlar, ta’lim va rivojlanish tashkiloti ilmiy stajirovkalarga yuborish bo‘yicha shartnomalar imzolandi.