21-iyun kuni Qurolli kuchlar akademiyasida yosh ofitserlarning tantanali bitiruv marosimi bo‘lib o‘tdi.

Tadbirda Oliy ta’lim, fan va innovatsiyalar vaziri Qo‘ng‘irotboy Sharipov ishtirok etib, Vatan himoyasini o‘zining muqaddas burchi deb bilgan yoshlarga samimiy tilaklarini bildirdi va ularning sadoqati hamda fidoyiligini e’tirof etdi.

Marosim yakunida Mudofaa vazirligi tizimidagi ilmiy-innovatsion hamkorlikni rivojlantirishdagi faoliyati uchun Qo‘ng‘irotboy Sharipov I darajali “Namunali xizmati uchun” ko‘krak nishoni, Ilm-fanni moliyalashtirish va innovatsiyalarni qo‘llab-quvvatlash jamg‘armasi ijro etuvchi direktori J.Tavakalov, Startap ekotizimini rivojlantirish bo‘limi boshlig‘i A.Ilhomov Mudofaa vazirligining esdalik belgilari bilan taqdirlandi.