









O‘zbekiston Respublikasi Fanlar akademiyasi Botanika instituti hamda Genomika va bioinformatika markazida laboratoriya asbob-uskunalaridan foydalanish samaradorligini o‘rganish ishlari amalga oshirildi
O‘zbekiston Respublikasi Fanlar akademiyasi Genomika va bioinformatika markazi uchun Jamg‘arma tomonidan 11 turdagi asbob-uskunalar xarid qilingan. Bugungi kunda markaz tomonidan ushbu asbob-uskunalar yordamida ilmiy izlanishlar olib borilib, xorijiy nashrlarda 45 ta ilmiy maqola chop etilgan, 12 ta patent olingan hamda 15 ta yangi ekin navi yaratilgan.
Shuningdek, markazning ilmiy laboratoriyalarida GMD tekshiruv xizmati hamda molekulyar hosildorlikni tekshirish xizmatlari joriy qilingan. Bugungi kunda ushbu xizmatlar orqali markaz hisobiga 5,4 mlrd so‘mga yaqin mablag‘ kelib tushgan.
O‘rganish davomida markaz rahbariyatining taklif va mulohazalari tinglanib, kelgusida xarid qilinishi lozim bo‘lgan asbob-uskunalar ro‘yxati kelishib olindi.
Ilm-fanni moliyalashtirish va innovatsiyalarni qo‘llab-quvvatlash jamg‘armasi (keyingi o‘rinlarda – Jamg‘arma) tomonidan O‘zbekiston Respublikasi Vazirlar Mahkamasining 2026-yil 17-fevraldagi 65-sonli “Ilmiy faoliyat sohasidagi tashkilotlarni laboratoriya asbob-uskunalari, sarflov materiallari va butlovchi qismlar bilan ta’minlash tartibi to‘g‘risidagi nizomni tasdiqlash haqida”gi qarori ijrosini o‘rganish maqsadida Jamg‘arma ijro etuvchi direktori o‘rinbosari boshchiligida o‘rganish ishlari olib borildi.
2022–2026-yillar mobaynida O‘zbekiston Respublikasi Fanlar akademiyasi Botanika institutining F.N. Rusanov nomidagi Botanika bog‘i Biotexnologiya laboratoriyasi uchun xarid qilingan asbob-uskunalar hamda reaktiv-reagentlarning samaradorligi o‘rganildi.
Jumladan, Alliance HPLC system c SQD qurilmasi orqali murakkab aralashmalar tarkibidagi kimyoviy moddalarni ajratish, aniqlash va miqdorini o‘lchash amaliyotlari amalga oshirilgan. Bugungi kunda 6 ta ixtiro uchun patentlar olingan. Shu bilan birgalikda, laboratoriya xodimlari tomonidan galantamin olish texnologiyasi ishlab chiqilgan bo‘lib, ushbu texnologiya orqali tabiatdagiga nisbatan 3 baravar ko‘proq galantamin olish usuli yaratilgan.
O‘rganish davomida Jamg‘arma ijro etuvchi direktori o‘rinbosari tomonidan ushbu texnologiyani amaliyotga joriy etish va loyihani tijoratlashtirishga tayyorlash bo‘yicha tegishli yo‘nalishlar belgilab berildi.