Ўзбекистон ва Малайзия: ҳамкорликнинг янги истиқболлари стартапларни ривожлантиришга қаратилади.

Айни дамда Малайзияда бўлиб турган Олий таълим, фан ва инноватсиялар вазирлиги ҳузуридаги Илм-фанни молиялаштириш ва инновацияларни қўллаб-қувватлаш жамғармаси ҳамда Инновацион ривожланиш агентлиги делегацияси вакиллари Малайзиянинг илғор технология ва инновациялар соҳасини мувофиқлаштирувчи давлат ташкилоти (МРАНТИ) масъуллари билан стартап акселератсия дастурларини амалга ошириш ва менторларни тайёрлаш юзасидан учрашув  ўтказдилар.

Маълумот учун, МРАНТИ ташкилоти стартаплар ва инновацион компанияларни қўллаб-қувватлаш, технологияларни тижоратлаштириш ҳамда инновацион экотизимни ривожлантиришга кўмаклашиш бўйича Малайзиядаги ваколатли давлат органи ҳисобланади.