Joriy yilning 10-iyun kuni Ilm-fanni moliyalashtirish va innovatsiyalarni qo‘llab-quvvatlash jamg‘armasi tomonidan “Pedagogning maqomi to‘g‘risida”gi Qonun mazmun va mohiyatini tushuntirish borasida seminar trening bo‘lib o‘tdi.

Trening davomida Jamg‘arma bosh yuriskonsulti so‘zga chiqib Qonun mazmuni to‘g‘risida xodimlarga tushuntirish berdi. Tushuntirish jaroyonida qonun bo‘yicha xodimlar tomonidan atroflich bahs va munozaralar olib borildi.

Qonunga ko‘ra pedagoglarning huquqlari, majburiyatlari, faoliyatining asosiy kafolatlari, mehnatiga yarasha haq to‘lash, rag‘batlantirish va ijtimoiy himoya qilish tamoyillari belgilandi.

Pedagogning huquqlari, sha’ni, qadr-qimmati va ishchanlik obro‘si davlat himoyasi ostida bo'ladi.

Umumiy o‘rta ta‘lim tashkilotida ilk bor kasbiy faoliyatini boshlayotgan shaxsga bir o‘quv yili davriga murabbiylikni amalga oshirish uchun tajribali pedagog biriktiriladi.