Коррупсияқа қарши курашиш ва манфаатлар тўқнашувини олдини олиш

Илм-фанни молиялаштириш ва инновацияларни қўллаб-қувватлаш жамғармасида ходимларни коррупцияга қарши курашиш, коррупцияни олдини олиш бўйича давра суҳбати ташкил этилди. Бош юрисконсулт кун бўйича тушунтириш берди ҳамда коррупциён омилларнинг келиб чиқиши хақида видео материаллар билан танштирди. Бундан ташқари дунё миқёсида корупцион омилар ва коррупция ўзи нималиги бўйича тушунтириш берди.

Дунёнинг ривожланиши ҳамда тинчлик ва хавфсизликни таъминлаш мақсадида коррупсияга қарши курашда бирлашмоғимиз лозим!

Коррупсия – бу ҳар бир жамиятнинг ижтимоий-иқтисодий ривожлантиришини издан чиқарувчи энг хавфли жиноятдир.

Ҳеч қайси мамлакат, бирон-бир ҳудуд ёки жамият йўқки у коррупсияга қарши иммунитетга эга бўлса.

Бирлашган миллатлар ташкилотида барча давлатлар ҳамкорликда, таълим, тиббиёт, суд-ҳуқуқ, демократиянинг ривожланишига коррупсиянинг кириб боришига асосий эътиборини қаратувчи тадбир ишлаб чиқилган. Халқаро тадбир ўзининг эътиборини коррупсиянинг барқарор ривожланиш мақсадларига эришишда энг катта тўсиқ бўлишга қаратади.

Шу муносабат билан 2003 йил 09 декабр куни Мексикада БМТнинг коррупсияга қарши конвенсияси имзоланган ва ушбу кун Халқаро коррупсияга қарши курашиш куни сифатида эълон қилинган. Шу тариқа 2004-йил 09-декабр кунидан бошлаб Халқаро коррупсияга қарши курашиш куни сифатида нишонланмоқда.

Халқаро кунлар нима учун керак?

Халқаро кунлар кенг жамоатчиликни муаммолардан хабардор қилиб бориш, глобал муаммоларни ҳал қилиш мақсадида сиёсий куч ва воситаларни сафарбар қилиш, шунингдек инсоният ютуқларини намойиш қилиш ҳамда уларни улуғлаш учун керак.

Бош ассамблеянинг резолюсиясида кўрсатилганидек ушбу халқаро кунни ташкил этишдан мақсад коррупсия муаммосига кучли (ёки муҳим) эътибор қаратиш, шунингдек коррупсия ва унга қарши курашишда Конвенсиянинг ўрни(роли)ни кучайтиришдан иборатдир. Резолюсияда ушбу кунни кенг нишонлаш ва тегишли тадбирлар ўтказиш бўйича кўрсатмалар йўқ.

Коррупсия жамият, давлат ҳокимияти органларининг манфаатларига қарши қаратилган ноқонуний фаолиятнинг махсус кўриниши эканлигини тушуниш муҳимдир; у мансабдор шахс ва фуқаро(мижоз)нинг ўзаро келишувга эришиб тил бириктиришидир. Ундан олинадиган моддий ва номоддий имтиёзлар ноқонуний бўлиб, уларнинг атрофида аҳлоқсиз ижтимоий муҳит юзага келади.

Коррупсиянинг шакллари турлича, аммо коррупсия оқибатлари ҳар қандай мамлакатнинг иқтисодий ва ижтимоий ривожланишига, мамлакат аҳолисига салбий таъсир кўрсатади.

Шу сабабли бугунги кунда коррупсияга қарши курашда жамиятда коррупсияга қарши ҳуқуқий онгни шакллантиришга алоҳида эътибор қаратилмоқда, яъни коррупсиянинг ҳар қандай кўринишларига қарши инсоннинг ўзида ички рад этишни шакллантирмоқ керак.

Бугунги кунда ҳар бир фуқарода: “порахўр мансабдор шахс бўлиш нафақат хавфли балки шармандали ҳамдир, аммо ҳалол яшаш фойдали ва обрўлидир”деган ички ишончни шакллантириш коррупсияга қарши давлат сиёсатининг асосий вазифаси ҳисобланади.