Germaniya bilan ta’lim va ilmiy aloqalarni yanada rivojlantirish maqsadida fundamental loyihalarni hamkorlikda moliyalashtirish amalga oshiriladi
Joriy yilning 19-sentyabr kuni Oliy ta’lim, fan va innovatsiyalar vazirligi huzuridagi Ilm-fanni moliyalashtirish va innovatsiyalarni qo‘llab-quvvatlash jamg‘armasi ijro etuvchi direktori Jonibek Tavakalov Germaniya Federativ Respublikasi Germaniya tadqiqot jamg‘armasi vakillari bilan uchrashuv o‘tkazdi.
Uchrashuvda qo‘shma ilmiy loyihalarni hamkorlikda moliyalashtirish imkoniyatlari va istiqbollari hamda O‘zbekiston yosh olimlarini Germaniyaning yetakchi ilmiy tashkilotlarida ilmiy stajirovklalarini tashkil etish masalalari muhokama qilindi.
O‘zbekiston Respublikasi Prezidenti Shavkat Mirziyoevning taklifiga binoan Germaniya Federativ Respublikasi Federal Kansleri Olaf Shols 15-16 sentabr kunlari rasmiy tashrif bilan mamlakatimizda bo‘ldi.
Samarqand shahridagi Kongress markazida O‘zbekiston Respublikasi Prezidenti Shavkat Mirziyoev va Germaniya Federal Kansleri Olaf Sholsning tor doirada va delegatsiyalar ishtirokidagi muzokaralarda ikki mamlakat yetakchi tashkioltlari o‘rtasida ta’lim va ilmiy aloqalarni rivojlantirish ta’kidlandi.
Germaniya Federativ Respublikasi Federal Kansleri Olaf Sholsning tashrifi doirasida Germaniyaning bir qancha yetakchi tashkilotlari delegatsiyalari mamlakatimizga tashrif buyurdi. Xususan, Germaniya tadqiqot jamg‘armasi vakillari ham Oliy ta’lim, fan va innovatsiyalar vazirligi huzuridagi Ilm-fanni moliyalashtirish va innovatsiyalarni qo‘llab-quvvatlash jamg‘armasi bilan ilm-fan va innovatsiyalar sohasida hamkorlik qilish yuzasidan katta qiziqish bildirdi.
Ma’lumot uchun. Germaniya tadqiqot jamg‘armasi Germaniyada fundamental tadqiqotlarni moliyalashtiruvchi, yillik budjeti 4 milliard yevroga yaqin Yevropadagi eng yirik tashkilotlardan biri. Yillik moliyalashtiradigan loyihalari soni 30 000 ga yaqin bo‘lib, ularning aksariyatini xalqaro hamkorlikni loyihalari tashkil etadi.
Shu munosabat bilan, joriy yilning 19 sentabr kuni Germaniya tadqiqot jamg‘armasi vakillari bilan Oliy ta’lim, fan va innovatsiyalar vazirligi huzuridagi Ilm-fanni moliyalashtirish va innovatsiyalarni qo‘llab-quvvatlash jamg‘armasi vakillar o‘rtasida uchrashuv tashkil etildi.
Uchrashuvda ko‘p tomonlama hamkorlik istiqbollarini rivojlantirish maqsadida ikki tashkilot xodimlarini tajriba almashish maqsadida amaliyotlarni tashkil etish, o‘zbek yosh olimlarini Germaniyaning yetakchi ilmiy tashkilotlarida ilmiy stajirovklalarini tashkil etish hamda qo‘shma ilmiy loyihalarni hamkorlikda moliyalashtirish masalalari muhokama qilindi.
Ma’lumot o‘rnida. Bugungi kunga qadar Ilm-fanni moliyalashtirish va innovatsiyalarni qo‘llab-quvvatlash jamg‘armasi tomonidan mamlakatimizning 50 nafar yosh olimlarini Germaniyaning yetakchi 30 ga yaqin ilmiy tashkilotlarida ilmiy stajirovka o‘tash xarajatlari moliyalashtirilgan.
Shuningdek, Germaniya Federal Ta’lim va tadqiqot vazirligi bilan hamkorlik natijalarida “O‘zbekiston-Germaniya” xalqaro ilmiy loyihalar tanlovi doirasida qiymati 7,25 mlrd. so‘mlik 8 ta ilmiy loyihalar amalga oshirilmoqda.